欧霸攻略：热刺半场大起维迪斯

周五凌晨斗球欧联G组赛事，近期状态回勇嘅热刺将作客荷甲球队维迪斯。热刺经历上个月嘅低潮后，踏入10月份即连赢3场，王牌前锋哈利卡尼状态亦有明显起色，呢支英超劲旅踢斗球欧联有超班之势，往往恃质凌人主动抢攻，上半场经常出现唔少入波，中位数1.5球半场大值博。

　　热刺今季由新帅纽奴领军，季初适应期球队进攻出现问题，不过近期就全面复苏，最近3连胜狂入10球，英格兰前锋哈利卡尼亦喺上轮英超「开斋」，对佢嘅信心会有极大帮助。哈利卡尼同孙兴民一对箭头威力十足，要攻破维迪斯后防并唔困难，况且热刺喺斗球欧联踢法进取，近3场斗球欧联赛事半场总入球全开2球或以上，上半场入球有保证。

　　维迪斯主场照攻可也

　　维迪斯目前喺荷甲排第6位，不过防守力并唔太可靠，9场联赛失咗15球咁多，面对热刺强大嘅攻击力，相信难以招架。当然，维迪斯主场出击唔会坐以待毙，尤其是早段会藉主场之利务求「偷鸡」入波，1.5球嘅半场大好路。